“Andijon suv ta’minot” AJ Andijon shahar filialida deputat so‘rovlari bilan ishlash holati joyiga chiqqan holda o‘rganildi.

Tadbirda Xalq deputatlari Andijon shahar Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi raisi A.Appaqov hamda kotibiyat bosh mutaxassisi O.Olimjonov ishtirok etdi.

Aholi murojaatlari asosida ichimlik suvi va oqova suv ta’minotidagi muammolarni bartaraf etish yuzasidan deputat so‘rovlari yuborilmoqda.

2026 yilning 6 oyi davomida ushbu yo‘nalishda 5 ta deputat so‘rovi yuborilib, shundan 4 tasi ijobiy hal etilgan, 1 tasi esa o‘rganish jarayonida ekanligi ma’lum qilindi.

O‘rganish yakunida murojaatlar va deputat so‘rovlari bilan ishlash samaradorligini oshirish bo‘yicha mas’ullarga tegishli tavsiyalar berildi.