Deputatlik so‘roviga rasmiy javob olindi

Xalq deputatlari Termiz tuman Kengashi deputati tomonidan 2026-yil 30-iyun kuni tuman hokimi o‘rinbosari nomiga Gulbahor mahallasida joylashgan 15-son maktabgacha ta’lim tashkiloti hududida zamonaviy bolalar o‘yin maydonchasini barpo etish masalasi yuzasidan yuborilgan deputatlik so‘roviga rasmiy javob kelib tushdi.

Javob xatida qayd etilishicha, deputatlik so‘rovi tuman hokimligi mutaxassislari tomonidan joyiga chiqib o‘rganilgan. O‘rganish natijalari yuzasidan masalani hal etish bo‘yicha tegishli mutasaddi tashkilotlar rahbarlariga zarur topshiriq va ko‘rsatmalar berilgan.

Shuningdek, mazkur masala yuzasidan amalga oshiriladigan ishlar natijalari bo‘yicha qo‘shimcha ma’lumot taqdim etilishi ma’lum qilingan.

Mazkur masalaning ijrosi deputatlik nazoratida bo‘lib, 15-son maktabgacha ta’lim tashkilotida bolalar uchun zamonaviy o‘yin maydonchasini barpo etish yuzasidan olib borilayotgan ishlar yuzasidan monitoring davom ettiriladi.