PQ-141-son qarori ijrosi “Orol” mahallasida o‘rganildi

Xalq deputatlari Termiz tuman Kengashi mutaxassisi T.Murodov tomonidan O‘zbekiston Respublikasi Prezidentining 2024-yil 28-martdagi “Islom taraqqiyot banki ishtirokida “Qishloq joylarni kompleks rivojlantirish” (2-bosqich) loyihasini amalga oshirish chora-tadbirlari to‘g‘risida”gi PQ-141-son qarori ijrosini ta’minlash yuzasidan navbatdagi monitoring ishlari amalga oshirildi.

Monitoring davomida Termiz tumanining “Orol” mahallasida loyiha doirasida olib borilayotgan qurilish, obodonlashtirish hamda muhandislik-kommunikatsiya infratuzilmasini yaxshilash ishlari bevosita joyiga chiqib o‘rganildi.

Shuningdek, mas’ul tashkilotlar vakillari va mahalla faollari ishtirokida amalga oshirilayotgan ishlarning borishi, sifati hamda belgilangan vazifalarning ijro holati yuzasidan muhokamalar o‘tkazildi. Mavjud holatlar tahlil qilinib, ishlar samaradorligini yanada oshirish bo‘yicha tegishli tavsiyalar berildi.

O‘rganish yakunlariga ko‘ra, Prezident qarorida belgilangan vazifalarning ijrosini ta’minlash yuzasidan nazorat tadbirlari izchil davom ettirilishi belgilandi.