Manzilli o‘rganish ishlari davom etmoqda

O‘zbekiston Respublikasi Prezidenti hujjatlari, Oliy Majlis palatalari va Hukumat qarorlari, shuningdek, oliy darajadagi tashriflar davomida erishilgan kelishuvlar yuzasidan ishlab chiqilgan "yo‘l xaritalari"da Termiz tumanini ijtimoiy-iqtisodiy rivojlantirish bo‘yicha belgilangan chora-tadbirlarning ijrosini ta’minlash maqsadida manzilli o‘rganish ishlari izchil davom ettirilmoqda.

Shu munosabat bilan Xalq deputatlari Termiz tuman Kengashi kotibiyati bosh mutaxassisi T.Murodov tomonidan Ayritom mahalla fuqarolar yig‘ini hududida amalga oshirilishi belgilangan loyiha joyida o‘rganildi.

O‘rganish davomida loyiha doirasida bajarilayotgan ishlar holati, belgilangan vazifalarning ijro darajasi, mavjud muammolar va ularni bartaraf etish bo‘yicha ko‘rilayotgan choralar atroflicha tahlil qilindi.

Mas’ullarga loyiha ijrosini belgilangan muddatlarda va sifatli amalga oshirish, aniqlangan kamchiliklarni bartaraf etish hamda "yo‘l xaritalari"da nazarda tutilgan vazifalarning to‘liq ijrosini ta’minlash yuzasidan tegishli tavsiya va topshiriqlar berildi.