Yangiobod mahallasidagi rekonstruksiya loyihasi o‘rganildi

Xalq deputatlari Termiz tuman Kengashi deputati O‘. Omonov, Kengash kotibiyati mutaxassisi T. Murodov hamda tuman hokimiyati mutaxassisi M. Abdullayev tomonidan Yangiobod mahallasi hududida joylashgan 34-sonli umumiy o‘rta ta’lim maktabini rekonstruksiya qilish loyihasi joyiga chiqqan holda o‘rganildi.

O‘rganish davomida loyiha doirasida maktab hududida 12×24 metr o‘lchamdagi zamonaviy sport zali hamda 50 o‘rinli oshxona qurilishi bo‘yicha olib borilayotgan tayyorgarlik ishlari ko‘zdan kechirildi. Shuningdek, qurilish jarayonlarini o‘z vaqtida boshlash, belgilangan muddatlarda sifatli amalga oshirish hamda loyihani samarali tashkil etish yuzasidan mas’ullar bilan fikr almashildi.

Mazkur loyiha amalga oshirilishi natijasida o‘quvchilar uchun zamonaviy sport infratuzilmasi va sifatli ovqatlanish sharoitlari yaratilishi, ta’lim muassasasining moddiy-texnik bazasi yanada mustahkamlanishi kutilmoqda.