Xalq deputatlari Paxtakor tumani Kengashining 4-Chamanzor saylov okrugi deputati, tuman hokimi X.Abduvoxidov hamda 3-Navbahor saylov okrugi deputati Sh.Mirzayev saylovchilar bilan navbatdagi uchrashuvni o‘tkazdi.

Uchrashuv davomida hududni yanada obod qilish, aholi uchun qulay va zamonaviy infratuzilmani yaratish borasida amalga oshirilayotgan ishlar yuzasidan atroflicha fikr almashildi. Jumladan, ichki ko‘chalarni asfaltlash, mavjud yo‘llarni ta'mirlash, bolalar maydonchalarini barpo etish va rekonstruksiya qilish, sport inshootlarini qurish hamda ularning moddiy-texnik bazasini mustahkamlash bo‘yicha olib borilayotgan ishlar haqida ma'lumot berildi.

Saylovchilar tomonidan bildirilgan taklif va murojaatlar deputatlar tomonidan batafsil tinglanib, ularni hal etish yuzasidan tegishli mutasaddilarga zarur topshiriqlar berildi. Bildirilgan masalalar ijrosi deputatlar tomonidan nazoratga olinishi ta'kidlandi.