#haftalik_ishlar_muhokamasi_13_17_iyul

Xalq deputatlari Kogon shahar Kengashi kotibiyati mudiri Sh. Isamutdinov rahbarligida kotibiyat xodimlari ishtirokida haftalik ish rejasiga bag‘ishlangan yig‘ilish o‘tkazildi.

Yig‘ilishda joriy hafta davomida amalga oshiriladigan ustuvor vazifalar belgilab olinib, deputatlik faoliyatini tashkiliy jihatdan ta’minlash, saylov okruglaridagi o‘rganishlar, fuqarolar murojaatlari bilan ishlash, doimiy komissiyalar faoliyatini muvofiqlashtirish hamda navbatdagi sessiyaga tayyorgarlik ko‘rish masalalari muhokama qilindi.

Shuningdek, deputatlar tomonidan amalga oshirilayotgan nazorat tadbirlarini axborot jihatdan keng yoritish, ijtimoiy tarmoqlardagi faollikni oshirish, “E-kengash” tizimida hujjatlar bilan ishlash sifati hamda ijro intizomini mustahkamlash bo‘yicha mas’ul xodimlarga aniq vazifalar yuklatildi.

Yig‘ilish yakunida har bir yo‘nalish kesimida amalga oshiriladigan ishlar muddatlari belgilab olinib, ularning o‘z vaqtida va sifatli ijrosini ta’minlash yuzasidan tegishli topshiriqlar berildi.

Xalq deputatlari
Kogon shahar Kengashi
axborot xizmati

Telegram . Instagram . Facebook . Youtube . E-kengash