Xalq deputatlari Bag‘dod tumani Kengashining "22-Bag‘dod" saylov okrugi deputati O.Maxmudov hamda Kengash kotibiyati mudiri G‘.Abdullayev hamda Xalq demokratik partiyasi tuman Kengashi raisi D.Xamraqulovlar tomonidan "Bag‘dod" mahalla fuqarolar yig‘inida joylashgan "Bag‘dod oilaviy poliklinikasi"da O‘zbekiston Respublikasining “Tabiatni muhofaza qilish to‘g‘risida”gi 754-XII-sonli Qonuni ijrosi yuzasidan o‘rganish o‘tkazildi.

O‘rganish davomida tibbiyot muassasasida atrof-muhitni muhofaza qilish, hududni obodonlashtirish va sanitariya holatini saqlash, chiqindilarni belgilangan tartibda yig‘ish hamda ekologik talablarga rioya etish borasida amalga oshirilayotgan ishlar ko‘zdan kechirildi.

Shuningdek, muassasa xodimlariga mazkur Qonunning mazmun-mohiyati, uning asosiy talablari hamda tabiatni asrash, ekologik madaniyatni yuksaltirish va tabiiy resurslardan oqilona foydalanish borasidagi mas'uliyat yuzasidan batafsil tushuntirishlar berildi.

O‘rganish yakunida qonun talablariga qat'iy rioya etish, ekologik xavfsizlikni ta'minlash hamda bu boradagi ishlarni yanada kuchaytirish yuzasidan tegishli tavsiyalar bildirildi.