Xalq deputatlari Tuproqqal’a tuman Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi a’zosi Ismoil Jumanazarov 2026-o‘quv yilida bitiruvchi yoshlarni ta’limning keyingi bosqichiga qamrab olish masalasiga bag‘ishlangan yig‘ilishda ishtirok etdi.

Tadbirda 9-sinf bitiruvchilarining texnikum va akademik litseylarga hujjat topshirish holati tahlil qilinib, mas’ullarga tegishli tavsiya va ko‘rsatmalar berildi. Hozirgi kunga qadar 86 nafar o‘quvchi akademik litseylarga, 268 nafar o‘quvchi texnikumlarga ro‘yxatdan o‘tgan. Joriy yilda tumanda 1 181 nafar bitiruvchi bo‘lib, shundan 605 nafari o‘g‘il, 576 nafari qizlarni tashkil etadi.