Xalq deputatlari Pastdarg‘om tuman Kengashi kotibiyat mudiri F. Xolmuratova tomonidan navbatdagi sessiya kun tartibiga kiritilgan masalalar yuzasidan sessiya oldi o‘rganish ishlari amalga oshirildi.

O‘rganish davomida O‘zbekiston Respublikasi Prezidentining 2025-yil 15-maydagi PQ-186-son “2025–2030-yillarda bolalar saratoniga qarshi kurashish bo‘yicha O‘zbekiston Respublikasi milliy strategiyasini amalga oshirish chora-tadbirlari to‘g‘risida”gi qarori ijrosi yuzasidan Pastdarg‘om tuman tibbiyot birlashmasida amalga oshirilayotgan ishlar tahlil qilindi.

Jumladan, bolalarda onkologik kasalliklarni erta aniqlash, skrining va profilaktik tadbirlarni tashkil etish, bemorlarni o‘z vaqtida ixtisoslashtirilgan davolash muassasalariga yo‘naltirish hamda tibbiy xizmatlar sifatini oshirish borasida olib borilayotgan ishlar o‘rganildi.

O‘rganish natijalari navbatdagi sessiyada muhokama qilinib, qaror qabul qilinadi.