Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston Ekologik partiyasidan saylangan deputat Y.Narbekov va kotibiyat xodimi N.Kurganova tumanning Markaziy dehqon bozorida monitoring o‘tkazdilar.

O‘rganish davomida go‘sht, un, o‘simlik yog‘i, shakar, guruch, tuxum, kartoshka, piyoz, sabzi, pomidor, bodring hamda boshqa asosiy iste’mol mahsulotlarining narxlari, mahsulotlar zaxirasi va savdo jarayonlari ko‘zdan kechirildi. Shuningdek, sotuvchilar bilan muloqot qilinib, mahsulotlarning kelib chiqishi, ta’minot uzluksizligi va narx shakllanishiga ta’sir etuvchi omillar yuzasidan fikr almashildi.

Monitoring jarayonida xaridorlar bilan ham suhbat o‘tkazilib, ularning narxlar, mahsulot sifati va savdo xizmatidan qoniqish darajasi o‘rganildi. Bozor hududida sanitariya-gigiyena talablariga rioya etilishi, mahsulotlarning saqlanish sharoitlari ham alohida e’tibor markazida bo‘ldi.