Xalq deputatlari tuman Kengashining 12-Zarafshon saylov okrugidan saylangan deputati A.Abdumratov tomonidan Olmazor mahalla fuqarolar yig‘inida amalga oshirilayotgan obodonlashtirish ishlari o‘rganildi.

Tashrif davomida hududni yanada ko‘rkamlashtirish, yo‘l va infratuzilma obyektlarini tartibga keltirish, aholi uchun qulay sharoitlar yaratish borasida olib borilayotgan ishlar bilan yaqindan tanishildi hamda mas’ullarga tegishli tavsiyalar berildi.

Shuningdek, deputat Olmazor mahalla fuqarolar yig‘inida aholi murojaatlari asosida barpo etilayotgan piyodalar yo‘lagi qurilishi jarayonida ishtirok etib, ishlarning sifatli va belgilangan muddatlarda bajarilishiga alohida e’tibor qaratdi.

Hududlarda amalga oshirilayotgan bunday bunyodkorlik va obodonlashtirish ishlari aholi uchun yanada qulay va xavfsiz muhit yaratish, mahallalarning infratuzilmasini rivojlantirishga xizmat qilmoqda.