Xalq deputatlari Boyovut tumani Kengashining navbatdagi 28-sessiyasiga tayyorgarlik ko‘rish doirasida Kengash huzuridagi Korrupsiyaga qarshi kurashish va xavfsizlik masalalari bo‘yicha doimiy komissiya hamda "Yoshlar maslahat guruhi"ning qo‘shma yig‘ilishi bo‘lib o‘tdi.

Yig‘ilish davomida sessiya kun tartibiga kiritilgan "Tumanda huquqbuzarliklarning oldini olish va ularning profilaktikasi holati, korrupsiyaga qarshi kurashish, shuningdek, jamoat xavfsizligini ta’minlash borasida amalga oshirilayotgan ishlar to‘g‘risida Boyovut tumani Ichki ishlar bo‘limi boshlig‘ining hisoboti"ni har tomonlama va xolis o‘rganish masalalari muhokama qilindi.

✅ Muhokamalar jarayonida hisobotni puxta tahlil qilish hamda sessiyada asoslantirilgan xulosa va takliflar ishlab chiqish maqsadida quyidagi vazifalar belgilab olindi:

➡️ Boyovut tumani Ichki ishlar bo‘limi faoliyatini o‘rganish yuzasidan savolnoma ishlab chiqish;
➡️ huquqbuzarliklar profilaktikasi, korrupsiyaga qarshi kurashish va jamoat xavfsizligini ta’minlash borasidagi ishlar holatini chuqur tahlil etish uchun ishchi guruh faoliyatini tashkil etish;
➡️ mahallalar va tegishli tashkilotlarda joyiga chiqib o‘rganishlar o‘tkazish hamda aniqlangan holatlar yuzasidan tegishli xulosa va takliflarni tayyorlash.

Shuningdek, o‘rganish jarayonlariga "Yoshlar maslahat guruhi" a’zolarini faol jalb etish, ularning taklif va tashabbuslaridan samarali foydalanish zarurligi alohida ta’kidlandi.

Yig‘ilish yakunida belgilangan vazifalarni o‘z vaqtida va sifatli amalga oshirish, o‘rganish natijalari asosida Kengashning doimiy komissiya yig‘ilishiga puxta tayyorgarlik ko‘rish yuzasidan kelishuvga erishildi.