Shuningdek, o‘rganishlar davomida mahalladagi ijtimoiy xodim tomonidan aholining ijtimoiy ehtiyojmand toifalariga ko‘rsatilayotgan ijtimoiy xizmatlarning sifati, ularning manzilliligi hamda amaldagi tartiblar asosida tashkil etilishi holati atroflicha o‘rganildi.

Bundan tashqari, Xalq deputatlari Marg‘ilon shahar Kengashining 2026-yil 30-martdagi tegishli qarori asosida "Infratuzilma va ijtimoiy barqarorlik" jamg‘armasi mablag‘lari hisobidan I-guruh nogironligi bo‘lgan hamda oilasida mehnatga layoqatli a’zolari mavjud bo‘lmagan fuqarolar xonadonlarida amalga oshirilayotgan energiya tejamkor ta’mirlash ishlari ko‘zdan kechirildi.

O‘rganish jarayonida mazkur ishlarning sifati, ajratilgan mablag‘larning maqsadli va samarali o‘zlashtirilishi, shuningdek, belgilangan ishlarning o‘z vaqtida yakunlanishi yuzasidan mas’ullarga tegishli tavsiya va ko‘rsatmalar berildi. Ushbu yo‘nalishdagi ishlarning ijrosi deputatlik nazorati doirasida muntazam monitoring qilib borilishi ta’kidlandi.