📌 Xalq deputatlari Oqdaryo tumani Kengashi bosh mutaxassisi N.Samandarova, 15-Temirak saylov okrugi deputati D.Qurbonova hamda Temirak mahallasi hokim yordamchisi A.Davronov hamkorligida Temirak mahallasida amalga oshirilayotgan ichimlik suvi tarmoqlari qurilishi yuzasidan o‘rganish ishlari olib borildi.

🚧 Jumladan, joriy yilda Temirak mahallasida “Islom taraqqiyot banki” ko‘magida:

💧 4 ta suv inshooti orqali qariyb 7 km hududga aholi uchun toza ichimlik suvi tarmoqlarini tortish ishlari boshlab yuborildi.

🔍 O‘rganish davomida olib borilayotgan qurilish-montaj ishlarining sifati, loyiha asosida amalga oshirilishi hamda ishlarni belgilangan muddatlarda yakunlash masalalari yuzasidan mas’ullarga tegishli tavsiya va ko‘rsatmalar berildi.

✨ Mazkur loyiha mahalla aholisini sifatli va toza ichimlik suvi bilan ta’minlash, fuqarolar turmush farovonligini yanada oshirishga xizmat qiladi.

✨ Mahallamiz obodligi va aholi farovonligi yo‘lida amalga oshirilayotgan bu ezgu ishlar yurtdoshlarimiz uchun munosib sharoit yaratishga xizmat qiladi.