Xalq deputatlari Marg‘ilon shahar Kengashi huzuridagi Xalqparvar komissiyasining navbatdagi
yig‘ilishi bo‘lib o‘tdi.

  Bugungi kunda subsidiya ajratish jarayonlari to‘liq elektron tizim orqali amalga oshirilmoqda. Arizalar raqamli
platforma orqali qabul qilinib, ko‘rib chiqish va baholash jarayonlari avtomatlashtirilgan tartibda, inson omilisiz bajarilmoqda. 

Bu esa ochiqlik va adolat tamoyillarini ta’minlash, korrupsion holatlarning oldini olish hamda
mablag‘larning manzilli ajratilishiga xizmat qilmoqda.  

Elektron tizim arizachilarning ma’lumotlarini belgilangan mezonlar asosida avtomatik tahlil qilib, subsidiya
olish huquqini aniqlaydi. 

Yig‘ilish davomida mas’ullar tomonidan elektron tizimning afzalliklari, murojaatlarni ko‘rib chiqish tezligi
hamda natijalar shaffofligini ta’minlash borasidagi ishlar yuzasidan axborot berildi.