Xalq deputatlari Izboskan tumani Kengashi deputati Ozodbek Pozilov tomonidan Yangibo‘stonobod MFY hududida joylashgan 21-umumta’lim maktabida 11-sinf bitiruvchi o‘quvchilari bilan uchrashuv o‘tkazildi.

Uchrashuv davomida bitiruvchi o‘quvchilar bilan oliy ta’lim muassasalariga kirish, ta’lim yo‘nalishlarini to‘g‘ri tanlash, kasb-hunar yo‘nalishlarini aniqlash hamda kelajakda mehnat bozorida talab yuqori bo‘lgan mutaxassisliklar bo‘yicha suhbatlashildi.

Deputat yoshlarning qiziqishi, qobiliyati va iqtidorini inobatga olgan holda ta’lim yo‘nalishini tanlash muhimligini ta’kidlab, respublikamizda yoshlarga yaratilayotgan imkoniyatlar, grant va imtiyozlar, dual ta’lim tizimi, xorijiy oliy ta’lim muassasalariga kirish imkoniyatlari haqida tushuntirishlar berdi.