Aholini ro‘yxatga olish jarayonida mahalla yettiligi va deputatlar hamkorligi

Hozirgi kunda respublika hududlarida aholini ro‘yxatga olish jarayonlari izchil va jadal sur’atlarda olib borilmoqda. Mazkur muhim davlat tadbirini sifatli va o‘z vaqtida amalga oshirish maqsadida joylarda kompleks chora-tadbirlar tashkil etilgan. Jumladan, fuqarolarga aholini ro‘yxatga olishning mazmun-mohiyati, uning ijtimoiy-iqtisodiy ahamiyati hamda tartib-taomillari yuzasidan keng qamrovli tushuntirish ishlari olib borilmoqda.

Aholini ro‘yxatga olish jarayonida fuqarolarga qulaylik yaratish, yuzaga kelayotgan muammolarni tezkor bartaraf etish maqsadida mahalla yettiligi tomonidan amaliy yordamlar ko‘rsatib kelinmoqda. Xususan, ro‘yxatdan o‘tkazish bilan bog‘liq hujjatlarni rasmiylashtirishda ko‘mak berilmoqda, yoshi ulug‘, nogironligi bo‘lgan hamda ijtimoiy himoyaga muhtoj fuqarolarga alohida e’tibor qaratilmoqda.

Shu bilan birga, hududdan saylangan deputatlar ham mazkur jarayonda faol ishtirok etib, mahalla yettiligi bilan uzviy hamkorlikda ish olib bormoqda. Deputatlar joylarda aholi bilan bevosita uchrashuvlar o‘tkazib, ularning murojaat va takliflarini o‘rganmoqda, ro‘yxatga olish jarayonida aniqlanayotgan kamchiliklarni bartaraf etish yuzasidan mas’ul idoralarga tegishli taklif va tavsiyalar kiritmoqda. Bu esa aholini ro‘yxatga olish tadbirlarining shaffof, tizimli va samarali tashkil etilishiga xizmat qilmoqda.