Murojaatnoma — barqaror taraqqiyot va farovonlik kafolati 

Bugun, 23-yanvar kuni Abu Rayhon Beruniy nomidagi Urganch davlat universitetida Demokratik jarayonlarni tahlil qilish markazi
Xorazm viloyat hududiy bo‘linmasi tashabbusi bilan “O‘zbekiston Respublikasi Prezidenti Murojaatnomasi: barqaror taraqqiyot va farovonlik kafolati”
mavzusida davra suhbati bo‘lib o‘tdi. 

Tadbirda fuqarolik jamiyati institutlari, NNT, siyosiy partiyalar va ularning deputatlari, UrDU faol yoshlari hamda professor-o‘qituvchilar
ishtirok etdi. So‘zga chiqqanlar tomonidan Murojaatnoma markazida inson qadri, ijtimoiy adolat va barqaror rivojlanish masalalari turgani, iqtisodiy o‘sish, tadbirkorlikni qo‘llab-quvvatlash va yangi ish o‘rinlari yaratish davlat siyosatining ustuvor yo‘nalishlari ekani ta’kidlandi.  

Shuningdek, 2026-yildan fuqarolik jamiyatini rivojlantirish bo‘yicha besh yillik strategiya ishlab chiqilishi eʼlon qilingani, ijtimoiy buyurtmalar tizimi raqamlashtirilib, moliyalashtirish hajmi oshirilishi belgilangani alohida qayd etildi.  

Tadbir yakunida ishtirokchilar Murojaatnomaning mazmun-mohiyatini keng jamoatchilikka yetkazish, aholi xabardorligini oshirish hamda fuqarolik jamiyati institutlari tomonidan unda belgilangan vazifalarni joylarda samarali amalga oshirish masalalari yuzasidan fikr almashishdi. 

Ushbu tadbirda xalq deputatlari tuman Kengashi deputati U.Qo'chqarov faol ishtirok etdi.