Prezident belgilagan vazifalar ijrosi — jamoatchilik nazoratida

Prezidentimiz Shavkat Mirziyoyev raisligida kambag‘allikni qisqartirish va aholi bandligini ta’minlash bo‘yicha 2026 yildagi asosiy vazifalarga bag‘ishlangan videoselektor yig‘ilishi ijrosini ta’minlash yuzasidan Toyloq tumanida targ‘ibot tadbiri bo‘lib o‘tdi.

✅

Tadbirda xalq deputatlari viloyat Kengashidagi O‘zbekiston Liberal-demokratik partiyasi deputatlik guruhi a’zosi, deputat Mo‘tabar Yo‘ldosheva ishtirok etib, so‘zga chiqdi. U o‘z ma’ruzasida Prezidentimiz tomonidan belgilab berilgan ustuvor vazifalar, kambag‘allikni qisqartirish, yangi ish o‘rinlari yaratish, aholi daromadlarini oshirish hamda hududlar imkoniyatlaridan samarali foydalanish masalalariga batafsil to‘xtaldi.

✅

Deputat o‘z chiqishida davlatimiz rahbari mavjud imkoniyatlarni to‘liq ishga solishda hokimlar va “mahalla yettiligi” a’zolarida metodik bilim va amaliy tajriba yetishmayotgani, shuningdek, mas’ul vazirlik va idoralar tomonidan ularga yetarlicha amaliy ko‘mak ko‘rsatilmayotgani haqida bildirgan tanqidiy fikrlarini alohida ta’kidlab o‘tdi.

✅

Shuningdek, Toyloq tumanida barcha sohalarda ishlarni jadal tashkil etish, aholini ish bilan ta’minlash va kambag‘allikni qisqartirish borasida belgilangan vazifalar ijrosini ta’minlashda deputatlar tomonidan kuchli jamoatchilik nazoratini yanada kuchaytirish zarurligi qayd etildi.

✅

Tadbir ishtirokchilari tomonidan belgilangan vazifalarni o‘z vaqtida va sifatli bajarish, aholi farovonligini oshirish yo‘lida barchani birdek mas’uliyat bilan ish olib borishga chaqirildi.

✈️

@sam_vil_deputatlari