Qaraózek rayonı Mádeniyat awıl puqaralar jıyını aymaǵındaǵı 9-sanlı mektepte Ózbekstan Respublikası Prezidentiniń Oliy Majliske hám xalqımızǵa jollaǵan Múrájatınıń mazmun-mánisin úgit-násiyatlawǵa baǵıshlanǵan ilaj bolıp ótti. Ilajda Xalıq deputatları Qaraózek rayonlıq Keńesi 14-Berdaq saylaw okruginen deputat S.Sayımova tárepinen múrájatta bildirilgen hárbir pikir, alǵa qoyılǵan baslamalar bárinen burın insan qádiri, jámiyet turaqlılıǵı hám mámlekettiń keleshegin támiyinlewge qaratılǵanlıǵın ayrıqsha atap ótip, múrájatnama tiykarında aldaǵı wazıypalartdı tanıstırdı.