O‘zbekiston Xalq demokratik partiyasining “Eng faol deputati” ko‘rik-tanlovining Toshkent viloyati bosqichi bo‘lib o‘tdi. Mazkur tanlovda Xalq deputatlari Chinoz tumani Kengashi deputati Alimjon Adilbekov faol ishtirok etdi.

Tanlov jarayonida deputatlarning hududlarni ijtimoiy-iqtisodiy rivojlantirish, aholi muammolarini hal etish, tashabbus va g‘oyalarni ilgari surish borasidagi faoliyati baholandi. Natijalarga ko‘ra, Alimjon Adilbekov “Eng tashabbuskor deputat” e’tirofiga sazovor bo‘lib, tashakkurnoma bilan taqdirlandi.

Mazkur e’tirof deputatning saylovchilar bilan samarali muloqoti, joylarda olib borayotgan amaliy ishlari hamda Yangi O‘zbekiston taraqqiyotiga qo‘shayotgan munosib hissasining yorqin ifodasidir.