Tadbirni tuman hokimining birinchi o‘rinbosari Faxriddin Yusupov ochib berdi. U o‘z nutqida u 1992 yil 8 dekabr kuni qabul qilingan Konstitutsiya nafaqat huquqiy asos, balki davlatimizning mustaqil taraqqiyot yo‘lini belgilab bergan tarixiy hujjat ekanini ta’kidladi. Tadbirda Xalq deputatlari Amudaryo tuman Kengashi deputatlari ishtirok etishdi. Ta’kidlanganidek, bugun muhtaram Prezidentimiz boshchiligida amalga oshirilayotgan
Konstitutsiyaviy islohotlar mamlakatimiz siyosiy, iqtisodiy va ijtimoiy hayotida yangi davrni boshlab berdi. Bosh qomusimizda belgilangan har bir qoida — bugungi hayotimizning bosh mezoni.