Доимий комиссиянинг навбатдаги йиғилиши бўлди.

        Халқ депутатлари Ромитан тумани Кенгаши Маҳаллий бюджет, иқтисодий ислоҳотларни амалга ошириш, инвестициялар ва тадбиркорликни ривожлантириш масалалари бўйича доимий комиссиясининг йиғилиши бўлди. Доимий комиссия йиғилишида Халқ депутатлари туман Кенгаши доимий комиссия раиси ҳамда аъзолари, Халқ депутатлари туман Кенгаши котибияти мудири ҳамда мутахассислари, туман ҳокимининг биринчи ўринбосари, туман солиқ инспекцияси бошлиғи, тегишли мутасадди ташкилотлар иштирок этишди.

              Кун тартибидаги масалалар юзасидан :

-Ўзбекистон Республикаси Олий Мажлиси Сенатининг 2023 йил 31 октябрдаги КҚ-605-ИВ-сонли Бухоро вилояти ҳудудларини ижтимоий-иқтисодий ривожлантириш дастурлари ижросини ўрганиш натижалари тўғрисидаги қарорининг туманда ижросини таъминлаш ва мавжуд камчиликларни бартараф этиш тўғрисида;

-Тумани ҳокимининг ўринбосари - инвестициялар ва ташқи савдо бўлими бошлиғи И.Файзиевнинг 2023 йил 9 ойи давомида амалга оширилган ишлари юзасидан ҳисоботи ҳақида;

- Ромитан тумани маҳаллий бютжет 2023-йил учинчи чорак қўшимча манбалар ҳисобидан ажратилган маблағлар тўғрисида таклиф тўғрисидаги масалалар муҳокама қилинди.

                Йиғилиш сўнгида комиссия раиси ҳамда котибият мудири томонидан таклифлар берилди ва кун тартибидаги масалалар юзасидан тегишли қарорлар қабул қилинди.