Xalq deputatlari tuman Kengashining yettinchi chaqiriq, o‘ninchi sessiyasi 2025-yil 19-mart kuni soat 15:00ga tuman hokimligining majlislar zaliga chaqirildi.

Kun tartibiga quydagi masalalar kiritildi.

  1) 2025-yilda Bulung‘ur tumanida aholini doimiy, mavsumiy va vaqtinchalik ishlarda bandligini ta’minlash bo‘yicha olib borilayotgan ishlar to‘g‘risida tuman hokimining birinchi o‘rinbosari Sh.Ibragimovning hisoboti. 

2) “Yashil makon” umummilliy loyihasi doirasida tumanda amalga oshirilayotgan ishlar, tumanda ekologik holatni yaxshilash hamda ekologik nazoratni amalga oshirilishi bo‘yicha Samarqand viloyati Ekologiya, atrof-muhitni muhofaza qilish va iqlim o‘zgarishi boshqarmasi tuman bo‘limi boshlig‘i J.Nasimovning hisoboti. 

3) Bulung‘ur tumanida energiya tejash bo‘yicha chora-tadbirlar rejasini ijrosi to‘g‘risida Hududiy elektr tarmoqlari AJ Samarqand viloyat filiali Bulung‘ur tuman Energosavdo bo‘limi boshlig‘i A.Turabov hamda “Hududgazta’minot” AJ Samarqand filiali
Bulung‘ur tuman gaz bo‘limi boshlig‘i A.Xabibxonovlarning hisoboti. 

4) Bulung‘ur tumanini jadal kompleks rivojlantirish maqsadida ajratilgan mablag‘larni tegishli loyihalar uchun talab etiladigan infratuzilma obyektlarining manzilli dasturini tasdiqlash to‘g‘risida. 

5) Bulung‘ur tuman hokimligi boshqaruv apparatining yangilangan tashkiliy tuzilmasini tasdiqlash to‘g‘risida. 

6) O‘zbekiston Respublikasi Oliy Majlisi Senati Kengashining 2025-yil 14-yanvardagi“Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning “mahalla yettiligi” bilan o‘zaro hamkorligini yanada kuchaytirish chora-tadbirlari to‘g‘risida”gi KQ-35-V-sonli Qarori ijrosini ta’minlash to‘g‘risida 

7) Xalq deputatlari Bulung‘ur tuman Kengashi huzurida Yoshlar maslahat guruhini tashkil qilish to‘g‘risida  

Xalq deputatlari Bulung‘ur tuman Kengashi