Xalq deputatlari Termiz tuman Kengashi deputati N. Ruziyeva tomonidan o‘ziga tegishli hududlardagi maktabgacha ta’lim tashkilotlari faoliyati o‘rganilmoqda. Jarayonda deputatlar bilan birgalikda maktabgacha ta’lim muassasalarining moddiy-texnik bazasi, ta’lim-tarbiya jarayonining sifati hamda bolalarga yaratilgan sharoitlar joyiga chiqqan holda ko‘zdan kechirildi.

Tekshiruv davomida:

tarbiyalanuvchilar uchun ovqatlanish sifati va gigiyena talablari;

xonalar va o‘quv maydonchalari sanitariya holati;

tarbiyachilar va xodimlarning ish sharoitlari;

o‘quv dasturlari hamda mashg‘ulotlarning samaradorligi o‘rganildi.

Deputat N. Ruziyeva tashkilotlarda aniqlangan muammolarni bartaraf etish yuzasidan mutasaddilarga tegishli tavsiyalar berdi. Shuningdek, aholining murojaatlari ham inobatga olinib, kelgusida maktabgacha ta’lim sifatini oshirish bo‘yicha takliflar ishlab chiqildi.

Mazkur o‘rganishlar natijasida hududlarda maktabgacha ta’lim tizimini yanada rivojlantirish, bolajonlar uchun qulay va zamonaviy sharoit yaratishga alohida e’tibor qaratilishi belgilandi.