2025-yil 30-oktabr kuni qadimiy va betakror Samarqand shahrida
Birlashgan Millatlar Tashkilotining UNESCO Bosh konferensiyasining 43-sessiyasi
o‘z ishini boshladi. Bu tarixiy voqea nafaqat mamlakatimiz, balki butun mintaqa
uchun g‘ururli lahza bo‘ldi. 

Ushbu yirik xalqaro anjuman O‘zbekistonning madaniyat, fan va ta’lim
sohalaridagi faoliyatiga berilgan yuksak e’tibor hamda Prezident Shavkat
Mirziyoyev rahbarligida olib borilayotgan ochiqlik va islohotlar siyosatining
amaliy samarasidir. 

Deputat sifatida men bu voqeani yurtimizning xalqaro miqyosdagi
nufuzini yanada oshiruvchi, milliy qadriyatlarimizni jahon sahnasida keng
targ‘ib etuvchi muhim qadam sifatida baholayman. 

Samarqandda o‘tayotgan UNESCO sessiyasi – bu bizning boy tariximiz,
madaniy merosimiz va tinchliksevarlik siyosatimizning yorqin timsolidir. O‘zbekiston bugun
dunyo hamjamiyatida ishonchli hamkor, madaniyatlararo muloqot markazi sifatida
e’tirof etilayotganidan faxrlanamiz.