O‘zbekiston Respublikasi Prezidentining “2025-2030 yillarda bolalar saratoniga qarshi kurashish bo‘yicha O‘zbekiston Respublikasi milliy strategiyasini amalga oshirish chora-tadbirlari to‘g‘risida”gi PQ-186 sonli qarori ijrosi hamda ijro intizomi masalasi, ijtimoiy-maʼnaviy muhit va davlat tilida ish yuritish holati bo‘yicha tuman hokimligi hamda Xalq deputatlari tuman Kengashi vakillari tomonidan tuman Markaziy poliklinikasida o‘rganish olib bordi. O‘rganish davomida juda ko‘p kamchilik va xatoga yo‘l qo‘yilganligi aniqlandi. Jumladan, bolalar saratoniga chalingan bemorlar bilan ishlash va ushbu kasalliklar profilaktikasi bilan ishlashda tizimli muammolar borligi, Vazirlar Mahkamasining 2021-yil 10-fevraldagi 61-sonli qarori ijrosi tahlil qilinganda esa, hali ham ish yurituvidagi hujjatlar kirill yozuvida yuritilayotganligi, targ‘ibot vositalari “Davlat tili to‘g‘risida”gi Qonun talablariga zid ekanligi aniqlandi.

Aniqlangan kamchiliklarni bartaraf etish bo‘yicha tegishli tavsiyalar berildi.