O‘zbekiston Respublikasi Prezidentining Mo‘g‘ulistonga ilk davlat tashrifi amalga oshirildi. Bu tarixiy tashrif ikki mamlakat o‘rtasidagi do‘stona aloqalarni mustahkamlash, strategik hamkorlikni yangi bosqichga olib chiqishda muhim qadam bo‘ldi. 

Tashrif doirasida O‘zbekiston va Mo‘g‘uliston rasmiy delegatsiyalari o‘rtasida qator muhim kelishuvlar imzolandi. Jumladan, foydali qazilmalarni qo‘shma o‘rganish va ishlab chiqarish, atrof-muhitni muhofaza qilish, ilm-fan sohasida tadqiqotlar o‘tkazish va innovatsiyalar almashinuvi bo‘yicha hamkorlik shartnomalari qabul qilindi. 

Shuningdek, ta’lim va madaniyat aloqalarini rivojlantirish, talabalar va professor-o‘qituvchilar almashinuvini yo‘lga qo‘yish, qo‘shma madaniy tadbirlar o‘tkazishga doir kelishuvlar muhim ahamiyat kasb etdi. Ikki davlat sog‘liqni saqlash va o‘simliklar karantini sohalarida tajriba almashish, mutaxassislar malakasini oshirish va ilg‘or texnologiyalarni joriy etish borasida ham fikr almashdi. 

Tashrif davomida bo‘lib o‘tgan muzokaralar ikki mamlakat o‘rtasidagi ishonch va o‘zaro anglashuv darajasining yuksakligini ko‘rsatdi. Prezidentlar o‘zaro manfaatli hamkorlikni yanada chuqurlashtirishga tayyor ekanliklarini ta’kidladilar. 

Bu tarixiy tashrif O‘zbekiston va Mo‘g‘uliston munosabatlarida yangi sahifa ochishi shubhasiz. U kelgusida mintaqaviy barqarorlik va taraqqiyot uchun ham muhim zamin yaratadi. 

  Xalq deputatlari tuman Kengashi deputatlari J.Jabborov