Xalq deputatlari Pastdarg‘om tuman Kengashining Agrar, suv xo‘jaligi va ekologiya masalalari bo‘yicha doimiy komissiyasi yig‘ilishida tuman “Suv yetkazib berish xizmati” DM boshlig‘i A.Turayevning suv resurslarini boshqarish, suv xo‘jaligi obyektlarining texnik holatini yaxshilash hamda suv tejovchi sug‘orish texnologiyalarini joriy etish borasida amalga oshirilgan ishlar yuzasidan hisoboti eshitildi.

Hisobotda tumanda tomchilatib va yomg‘irlatib sug‘orish texnologiyalarini keng joriy etish, lazerli tekislash hamda egiluvchan quvurlardan foydalanish bo‘yicha belgilangan rejalar ijrosi yuzasidan ma’lumotlar berildi.

Muhokamalar yakunida hisobot ma’lumot uchun qabul qilinib, masalani xalq deputatlari tuman Kengashining navbatdagi sessiyasida ko‘rib chiqish belgilandi.