“Elektron tijorat toʻgʻrisida”gi Qonun mazmun-mohiyati tushuntirildi

Xalq deputatlari Termiz tuman Kengashi deputatlari tomonidan Oʻzbekiston Respublikasining “Elektron tijorat toʻgʻrisida”gi Qonunining mazmun-mohiyatini keng jamoatchilik va mas’ul xodimlar o‘rtasida targ‘ib etish yuzasidan tushuntirish ishlari olib borildi.

Mazkur qonun elektron tijorat sohasidagi munosabatlarni tartibga solish, elektron savdo ishtirokchilarining huquq va majburiyatlarini belgilash, iste’molchilar huquqlarini himoya qilish, shuningdek, elektron bitimlarning ishonchliligi va xavfsizligini ta’minlashga xizmat qiladi.

Tadbir davomida elektron tijoratni amalga oshirishda qonunchilik talablariga rioya etish, shaffoflikni ta’minlash, elektron hujjatlar va to‘lov tizimlaridan samarali foydalanish hamda korrupsiyaviy omillarning oldini olish masalalariga alohida e’tibor qaratildi.

Shuningdek, ishtirokchilarga qonunning amaliy ahamiyati, tadbirkorlik subyektlari uchun yaratilayotgan qulayliklar hamda raqamli iqtisodiyotni rivojlantirishdagi o‘rni yuzasidan batafsil tushuntirishlar berildi.

Qonun hujjatlarining mazmun-mohiyatini aholiga yetkazish va ularning ijrosini ta’minlash — huquqiy madaniyatni yuksaltirish hamda zamonaviy raqamli iqtisodiyotni rivojlantirishning muhim omilidir.