Deputatlik so‘rovi yuborildi

Xalq deputatlari Termiz tuman Kengashi deputati tomonidan Termiz tumani “Qo‘ng‘irot” mahallasida joylashgan 8-sonli umumiy o‘rta ta’lim maktabining futbol va voleybol maydonlari holati yuzasidan deputatlik so‘rovi yuborildi.

O‘rganishlar davomida mazkur sport maydonlari bugungi kun talablariga javob bermasligi, bu esa o‘quvchilarning sport bilan muntazam shug‘ullanishi hamda musobaqalarni munosib sharoitda o‘tkazish imkoniyatlarini cheklayotgani aniqlandi.

Shu munosabat bilan maktabning futbol va voleybol maydonlarini zamonaviy sun’iy chim qoplamali stadion va sport maydoniga aylantirish bo‘yicha amaliy yordam ko‘rsatish hamda ushbu masalani tegishli dasturlar doirasida ko‘rib chiqish yuzasidan deputatlik so‘rovi yo‘llandi.

Deputatlik so‘rovida mazkur masala bo‘yicha ko‘rilgan choralar va qabul qilingan qarorlar haqida qonunchilikda belgilangan muddatlarda yozma ma’lumot taqdim etilishi so‘ralgan.