Biriktirilgan tashkilot faoliyati joyiga chiqqan holda o‘rganildi

Xalq deputatlari Termiz tuman Kengashi tomonidan biriktirilgan tashkilotlar faoliyatini o‘rganish ishlari izchil davom ettirilmoqda.

Navbatdagi o‘rganish doirasida Termiz tumani Fermerlar kengashi faoliyati Xalq deputatlari Termiz tuman Kengashi kotibiyati mudiri A. Avliyakulov hamda tuman Kengashi mutaxassisi K. Abdullayeva ishtirokida joyiga chiqqan holda o‘rganildi.

O‘rganish jarayonida tashkilot tomonidan amalga oshirilayotgan ishlar, fermer va dehqon xo‘jaliklari hamda tomorqa yer egalarini qo‘llab-quvvatlash, ularga ko‘rsatilayotgan xizmatlar, murojaatlar bilan ishlash tizimi va ijro intizomi yuzasidan tahlillar olib borildi. Shuningdek, faoliyat samaradorligini yanada oshirish, mavjud kamchiliklarni bartaraf etish hamda tizimni takomillashtirish bo‘yicha mas’ullar bilan fikr almashildi.

Bunday o‘rganishlar tashkilotlar faoliyatini samarali tashkil etish, ijro intizomini mustahkamlash hamda aholi va tadbirkorlarga ko‘rsatilayotgan xizmatlar sifatini yanada yaxshilashga xizmat qiladi.