Deputatlar Azimobod saylov okrugida aholi muammolarini o‘rgandi 

Xalq deputatlari Oltiariq tuman Kengashi deputati A. Nabiyev, tuman Kengashi kotibiyati mudiri A. Yursunov hamda bosh mutaxassis A. Turgʻunovlar ishtirokida 23-Azimobod saylov okrugi Qiziltepa MFY Obod diyor
koʻchasida istiqomat qiluvchi fuqarolar bilan uchrashuv oʻtkazildi. Mazkur koʻchada 100 dan ortiq xonadon mavjud boʻlib, uchrashuv davomida fuqarolarning turmush sharoiti va hududdagi infratuzilma holati oʻrganildi. Oʻrganishlar davomida aholi elektr energiyasi va ichimlik suvi bilan barqaror taʼminlanayotgani qayd etildi. Shuningdek, fuqarolar bilan ochiq muloqot oʻtkazilib, ularning taklif va mulohazalari tinglandi. Hududni yanada obodonlashtirish, ichki yoʻllarni saqlash, ko‘chalarni yanada ko‘rkamlashtirish hamda mahalla infratuzilmasini
rivojlantirishga oid fikrlar bildirildi. Uchrashuv yakunida bildirilgan takliflar umumlashtirilib, ularni bosqichma-bosqich amalga oshirish yuzasidan tegishli tavsiyalar berildi.