O‘zbekiston
Respublikasining «Oziq-ovqat mahsulotlarining sifati va xavfsizligi
to‘g‘risida»gi Qonunning 9-moddasiga o‘zgartirish va qo‘shimcha kiritish
bo‘yicha

TAKLIF

1. Muammoning asoslanishi (Amaldagi holat tahlili)

Xorijdan kirib kelayotgan innovatsion
oziq-ovqatlar (masalan, laboratoriyada o‘stirilgan sun’iy go‘sht, hasharotlardan
olingan proteinlar yoki kimyoviy sintez qilingan qo‘shimchalar) oddiy
mahsulotlar qatorida ro‘yxatdan o‘tkazilmoqda. Ularning inson salomatligiga
uzoq muddatli ta’siri chuqur o‘rganilmaydi.

2. Moddaning matniga taklif etilayotgan o‘zgartirish va qo‘shimcha

Moddaga «Innovatsion
va noan’anaviy texnologiyalar asosida olingan oziq-ovqat mahsulotlarini maxsus
bio-xavfsizlik ekspertizasidan o‘tkazish» majburiyatini kiritish. Bunday
mahsulotlarni davlat ro‘yxatidan o‘tkazish muddatini uzoqroq va sinovlarini
qat’iyroq qilib belgilash.

3. Kutilayotgan natijalar

Aholi genofondini noma’lum biologik xavflardan
himoya qilish.