Xalq deputatlari Bag‘dod tumani Kengashining "Korrupsiyaga qarshi kurashish va xavfsizlik masalalari bo‘yicha" doimiy komissiyasining navbatdagi yig‘ilishi bo‘lib o‘tdi.

Yig‘ilishda Xalq deputatlari Bag‘dod tumani Kengashi raisi, tuman Kengashi deputatlari hamda ekspert guruhi a’zolari ishtirok etdi.

📝 Yig‘ilish kun tartibiga kiritilgan quyidagi masalalar muhokama qilindi:
🔹 Xalq deputatlari Bag‘dod tumani Kengashi sessiyalarida mas’ul davlat organlari va tashkilotlari rahbarlarining murojaatlar bilan ishlash holati yuzasidan axborot (hisobot)larini eshitishni samarali tashkil etish chora-tadbirlari.
🔹 Xalq deputatlari Bag‘dod tumani Kengashining 2024-yil 7-dekabrdagi VII-2-08-11-152-K/24-son "Xalq deputatlari Bag‘dod tumani Kengashining doimiy komissiyalari tarkibini tasdiqlash to‘g‘risida"gi qaroriga o‘zgartirish kiritish masalasi.

💬 Muhokamalar davomida deputatlar hamda ekspert guruhi a’zolari tomonidan bildirilgan fikr va takliflar atroflicha ko‘rib chiqildi.

✅ Yig‘ilish yakunida mazkur masalalarni navbatdagi sessiya kun tartibiga kiritish yuzasidan tegishli qarorlar qabul qilindi.