Yig‘ilishda tumanda ijtimoiy sohalarda amalga oshirilayotgan ishlar, mavjud muammolar hamda istiqboldagi vazifalar atroflicha ko‘rib chiqildi.

Jumladan:

🔹 Oila va xotin-qizlar yo‘nalishida xotin-qizlarning bandligini ta’minlash, tadbirkorlikka jalb etish, “Ayollar daftari”ning 7-bosqichi ijrosi, oilaviy nizolarni bartaraf etish, ijtimoiy himoyaga muhtoj ayollarni qo‘llab-quvvatlash hamda huquqbuzarliklarning oldini olish borasida amalga oshirilgan ishlar yuzasidan hisobot tinglandi.

🔹 Sog‘liqni saqlash sohasida aholini profilaktik ko‘rikdan o‘tkazish, skrining dasturlarini amalga oshirish, onalar va bolalar salomatligini muhofaza qilish, surunkali kasalliklarning oldini olish hamda sog‘lom turmush tarzini targ‘ib qilish bo‘yicha olib borilgan ishlar muhokama qilindi.

🔹 Maktabgacha va maktab ta’limi tizimida ta’lim sifati, o‘quvchilarni kasb-hunarga yo‘naltirish, xorijiy tillarni o‘qitish, zamonaviy kasblarga tayyorlash, maktab infratuzilmasini rivojlantirish hamda bitiruvchilarning oliy ta’limga qamrov ko‘rsatkichlari yuzasidan amalga oshirilgan ishlar tahlil qilindi.

🔹 Yoshlar siyosati yo‘nalishida “Dolzarb 90 kun” dasturi hamda besh muhim tashabbus doirasida yoshlarning bo‘sh vaqtini mazmunli tashkil etish, ularni sport, madaniyat, kitobxonlik, IT va kasb-hunarga yo‘naltirish bo‘yicha rejalashtirilgan tadbirlar ko‘rib chiqildi.

Muhokamalar yakunida doimiy komissiyalar tomonidan tegishli masalalar yuzasidan tavsiyalar ishlab chiqilib, ularni Xalq deputatlari Chilonzor tumani Kengashining navbatdagi sessiyasida ko‘rib chiqish maqsadga muvofiq deb topildi va tegishli qaror va xulosalar qabul qilindi.