Xalq deputatlari Andijon shahar Kengashi deputati Avazbek Appaqov tashabbusi bilan 26-“Chorguzar” saylov okrugi hududidagi “Xursandlik” MFYda joylashgan 23-sonli umumiy o‘rta ta’lim maktabida sog‘lom turmush tarzini targ‘ib etishga qaratilgan navbatdagi muhim tadbir tashkil etildi.

Ertalabdan boshlab o‘quvchi-yoshlar, ustozlar hamda faollar ishtirokida ommaviy yurish va badantarbiya mashqlari o‘tkazilib, sog‘lom hayot kechirish, jismoniy faollikni oshirish va kunni tetik kayfiyatda boshlash madaniyatini shakllantirishga alohida e’tibor qaratildi.

Mazkur tashabbus yoshlar o‘rtasida sportga bo‘lgan qiziqishni yanada kuchaytirish, ularni zararli odatlardan uzoq tutish hamda sog‘lom va faol avlodni voyaga yetkazish yo‘lida muhim qadam bo‘lib xizmat qilmoqda.

Bunday amaliy tadbirlar orqali hududda sog‘lom turmush tarzini keng targ‘ib etish va yoshlarning jismoniy hamda ma’naviy barkamolligini ta’minlash borasidagi ishlar izchil davom ettirilmoqda.

Slide 1 of 4