Xalq deputatlari Jondor tumani Kengashi deputati I.Xolov hamda tuman Kengashi kotibiyati bosh mutaxassislari J.Norov va R.Murodovlar tomonidan tuman Kengashining navbatdagi sessiyasiga kiritilgan masalalar yuzasidan joylarga chiqqan holda o‘rganish ishlari olib borildi.
⚡️O‘rganishlar davomida tashabbusli budjet dasturi doirasida g‘olib deb topilgan loyihalar asosida “Obod” va “Bahoriston” mahallalarida barpo etilib, foydalanishga topshirilgan yoshlar sport majmualarida amalga oshirilgan qurilish-montaj ishlarining sifati ko‘zdan kechirildi.
⚡️Mutasaddilar tomonidan sport inshootlarining qurilish sifati, yaratilgan shart-sharoitlar, sport maydonchalari va yordamchi binolarning holati atroflicha o‘rganildi. Shuningdek, mazkur majmualardan yoshlar samarali foydalanishi, ularning bo‘sh vaqtlarini mazmunli tashkil etish hamda sog‘lom turmush tarzini targ‘ib qilish borasidagi imkoniyatlarga alohida e’tibor qaratildi.
⚡️O‘rganish natijalari asosida aniqlangan holatlar yuzasidan tegishli taklif va xulosalar tayyorlanib, xalq deputatlari tuman Kengashining navbatdagi sessiyasi muhokamasiga kiritilishi belgilandi.
⚡️Bunday o‘rganishlar aholi tashabbuslari asosida amalga oshirilayotgan loyihalarning sifatli bajarilishini ta’minlash, budjet mablag‘larining maqsadli sarflanishi hamda ijtimoiy obyektlardan samarali foydalanish ustidan deputatlik nazoratini kuchaytirishga xizmat qilmoqda.