Bugun xalq deputatlari Pastdarg‘om tuman Kengashining agrar, suv xo‘jaligi va ekologiya masalalari bo‘yicha doimiy komissiyasi a’zolari tomonidan tuman laboratoriyasida O‘zbekiston Respublikasining “Naslchilik to‘g‘risida”gi O‘RQ-165-I sonli Qonuni ijrosi yuzasidan o‘rganish ishlari olib borildi.

O‘rganish davomida laboratoriyaning moddiy-texnik bazasi va faoliyat samaradorligi ko‘zdan kechirildi.

Mutaxassislar tomonidan laboratoriya faoliyatini yanada takomillashtirish uchun muammolar mavjudligi ma’lum qilindi.

Xususan, laboratoriyada avtoklav, sentrifuga, dozator va probirkalar yetishmasligi, suv hammomi qurilmasiga ehtiyoj mavjudligi, qo‘shimcha sovutgich (xolodilnik), kompyuter va printer zarurligi qayd etildi.

Shuningdek, laboratoriya binosini ta’mirlash masalasi ham dolzarb ekani ta’kidlandi.

Doimiy komissiya a’zolari aniqlangan kamchiliklarni bartaraf etish bo‘yicha tegishli takliflar ishlab chiqilishini ma’lum qildilar.