Qo‘qon shahar Kengashi deputati Feruza Kaxxarova tomonidan “Shaldiramoq” mahallasida navbatdagi qabul va o‘rganish ishlari o‘tkazildi.

O‘rganish davomida mahalla hokim yordamchisi R.Shodmonov hamda ijtimoiy xodim U.Kenjaboyevning faoliyati tahlil qilindi.

Xususan, ijtimoiy xodim tomonidan 2026-yilning 2-choragi davomida kambag‘allik reyestrida ro‘yxatda turuvchi fuqarolarga ko‘rsatilayotgan ijtimoiy xizmatlar, nafaqa tayinlash va ehtiyojmand oilalarni qo‘llab-quvvatlash borasida amalga oshirilgan ishlar yuzasidan ma’lumotlar tinglandi.

Ma’lum qilinishicha, hisobot davrida nafaqa tayinlash masalasi bo‘yicha 60 nafar fuqaro murojaat qilgan bo‘lib, ularning 14 tasi bo‘yicha ijobiy qaror qabul qilingan va tegishli ijtimoiy xizmatlar ko‘rsatib kelinmoqda.

Shuningdek, mahallada aholini ijtimoiy qo‘llab-quvvatlash, kambag‘allikni qisqartirish hamda fuqarolarning muammolarini manzilli hal etish bo‘yicha olib borilayotgan ishlar muhokama qilindi.

O‘rganish yakunida mas’ullar faoliyati samaradorligini yanada oshirish hamda fuqarolar murojaatlariga tezkor munosabat bildirish yuzasidan tavsiyalar berildi.

Xalq deputatlari Qo‘qon shahar Kengashi