Mahallada huquqbuzarliklar profilaktikasi holati o‘rganildi

Xalq deputatlari tuman Kengashi deputati E.Hamroyev hamda tuman Kengashi kotibiyati bosh mutaxassisi J.Donayevlar tuman Kengashining navbatdagi sessiyasi kun tartibiga kiritilgan masala yuzasidan "Gulzor" mahallasida o‘rganish ishlarini olib bordi.

O‘rganish davomida mahallada huquqbuzarliklarning oldini olish, jinoyatchilikni jilovlash, fuqarolarning huquqiy ongi va madaniyatini yuksaltirish hamda profilaktika tadbirlarining samaradorligi tahlil qilindi. Shuningdek, mahalla yettiligi, profilaktika inspektori hamda tegishli mas’ullar tomonidan amalga oshirilayotgan ishlar bilan tanishilib, mavjud muammolar va ularning yechimi yuzasidan fikr almashildi.

Mahallada osoyishtalikni ta’minlash, huquqbuzarliklarning barvaqt oldini olish hamda fuqarolar murojaatlari bilan ishlash holatiga alohida e’tibor qaratildi.

O‘rganish yakunlari bo‘yicha aniqlangan holatlar yuzasidan tegishli taklif va tavsiyalar ishlab chiqilib, mazkur masala Kengashning navbatdagi sessiyasida ko‘rib chiqilishi belgilandi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram