MÁHÁLLE JUMISI ÚYRENILDI

Oliy Majlis Senatınıń Ilim, bilimlendiriw hám densawlıqtı saqlaw máseleleri komiteti baslıǵınıń orınbasarı O.Ataniyazova “Berdaq” mákán puqaralar jıyınında bolıp, xalıqtı oylandırıp atırǵan mashqalalar hám aymaqtaǵı sociallıq-ekonomikalıq jaǵdaydı úyrendi.


“Berdaq” mákán puqaralar jıyını imaratında “máhálle jetiligi” penen ushırasıw shólkemlestirildi. Onda puqaralar tárepinen ishimlik suwı támiynatı, elektr energiyası, ishki jollardı ońlaw, kommunallıq xızmetlerdiń sapasın jaqsılaw, xalıqtıń bántligin támiyinlew hám sociallıq qorǵawǵa mútáj shańaraqlardı qollap-quwatlaw máseleleri boyınsha múrájatlar bildirildi.

Sonday-aq, xalıq penen ashıqtan-ashıq sóylesiw ótkerilip, olardı qıynap atırǵan máselelerdi sheshiw boyınsha ámeliy jumıslar alıp barılatuǵını atap ótildi.