Xotin-qizlarni ijtimoiy va huquqiy qo‘llab-quvvatlash masalalari yuzasidan qabul o‘tkazildi

Xalq deputatlari Qiziriq tumani Kengashi deputati Q.Igamberdiyeva “Madad” nodavlat notijorat tashkilotining huquqiy xizmat ko‘rsatish markazi mutaxassisi X.Norpo‘latov bilan tuman Oila va xotin-qizlar bo‘limi boshlig‘i O.Haydarqulova va tuman Adliya bo‘limi mas’ullari ishtirokida xotin-qizlar uchun sayyor qabul tashkil etildi.

Qabuldan ko‘zlangan asosiy maqsad xotin-qizlarni ijtimoiy va huquqiy jihatdan qo‘llab-quvvatlash, ularning muammolarini o‘rganish, huquqiy savodxonligini oshirish hamda amaliy yordam ko‘rsatishdan iborat bo‘ldi.

Tadbir davomida fuqarolar tomonidan bandlik, ijtimoiy yordam, oilaviy munosabatlar, tadbirkorlik faoliyatini yo‘lga qo‘yish, aliment, uy-joy va boshqa masalalar yuzasidan murojaatlar bildirildi. “Madad” NNT mutaxassisi va adliya organlari vakillari tomonidan murojaatchilarga huquqiy maslahatlar berilib, ularning qonuniy manfaatlarini ta’minlash bo‘yicha tushuntirishlar olib borildi.

Deputat Q.Igamberdiyeva tomonidan murojaatlarda ko‘tarilgan masalalar atroflicha o‘rganilib, tegishli tashkilotlar bilan hamkorlikda ularning yechimini topish yuzasidan zarur choralar belgilandi.

Bunday hamkorlikdagi qabullar aholiga yaqinlashish, fuqarolar muammolarini joyida o‘rganish hamda xotin-qizlarni har tomonlama qo‘llab-quvvatlashda muhim ahamiyat kasb etmoqda.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram

#Kengash_va_Madad_NNT_hamkorligi