🔹Xalq deputatlari tuman Kengashining 2026-yilga belgilangan ish rejasiga muvofiq O‘zbekiston Xalq demokratik partiyasidan saylangan deputati Y.Xolmurotov tomonidan tumanning “Istiqlol” mahallasiga biriktirilgan hokim yordamchisi Sh.Xakimov faoliyati o‘rganildi.

🔹O‘rganish jarayonida hokim yordamchisi tomonidan 2026-yil boshidan mahallada istiqomat qiluvchi 25 nafar fuqarolarning bandligini ta’minlash, 22 nafar fuqarolarga imtiyozli kreditlar ajratish orqali tadbirkorlikni rivojlantirish hamda fuqarolarning ijtimoiy-iqtisodiy muammolarini hal etish bo‘yicha amalga oshirilgan ishlar tahlil qilindi. Shu bilan birga, aholi murojaatlarini ko‘rib chiqish, ishsiz fuqarolarni doimiy daromad manbaiga ega qilish borasida olib borilayotgan ishlar bilan tanishildi.

🔹Uchrashuv yakunida aholi bandligini oshirish, tadbirkorlikni qo‘llab-quvvatlash va fuqarolar murojaatlari bilan ishlash samaradorligini yanada kuchaytirish bo‘yicha tegishli tavsiyalar berildi.