O‘zbekiston Respublikasi Oliy Majlisi Senati Kengashining 2024-yil 4-apreldagi “Mahallalardagi muammolarni hal etishda xalq deputatlari mahalliy Kengashlari deputatlari va senatorlarning “Mahalla yettiligi” bilan
o‘zaro hamkorligini yo‘lga qo‘yish chora-tadbirlari to‘g‘risida”gi KQ-706-IV-sonli qarori ijrosini ta’minlash maqsadida Xalq deputatlari Parkent tumani Kengashiga 16-«Bodomtepa» saylov okrugidan saylangan deputat Ashirmatova Xurshida Soliyevna o‘zi saylangan okrugdagi «Bodomtepa» mahalla fuqarolar yig‘inida bo‘lib, mahallada “Mahalla yettiligi” tomonidan amalga oshirilayotgan ishlar bilan yaqindan tanishdi.O‘rganish davomida mahallada xotin-qizlar bilan ishlash yo‘nalishida olib borilayotgan ishlar, ularning ijtimoiy faolligini oshirish, bandligini ta’minlash, tadbirkorlikka jalb etish hamda muammolarini hal etish borasida amalga oshirilayotgan chora-tadbirlar tahlil qilindi.Deputat mahalla xotin-qizlar faoli faoliyatining samaradorligiga alohida e’tibor qaratib, oilalarda sog‘lom ma’naviy muhitni shakllantirish, ijtimoiy himoyaga muhtoj ayollarni qo‘llab-quvvatlash, ularni kasb-hunarga o‘qitish va daromadli mehnat bilan band qilish yuzasidan amalga oshirilayotgan ishlar bilan tanishdi.Suhbat davomida mahalla xotin-qizlar faoli R. Dovulova tomonidan 2026-yilda amalga oshirilgan ishlar yuzasidan ma’lumot berildi.Xususan, xotin-qizlar bandligini ta’minlash maqsadida 12 nafar xotin-qiz doimiy ish o‘rinlariga joylashtirilgan. Tadbirkorlik faoliyatini boshlash istagida bo‘lgan 3 nafar xotin-qizga imtiyozli kreditlar ajratilishiga ko‘maklashilgan.Shuningdek, kasb-hunarga qiziqish bildirgan 7 nafar xotin-qiz o‘quv kurslariga jalb etilib, ularga sertifikatlar topshirilgan hamda o‘zini o‘zi band qilishi uchun amaliy yordam ko‘rsatilgan.Deputat tomonidan aniqlangan masalalar yuzasidan tegishli tavsiya va takliflar berilib, xotin-qizlarni qo‘llab-quvvatlash, ularning bandligini oshirish hamda tadbirkorlik faoliyatini rivojlantirishga qaratilgan ishlarni yanada kuchaytirish zarurligi ta’kidlandi.Uchrashuv yakunida MFY “yettiligi” bilan hamkorlikda aniqlangan muammolarni bosqichma-bosqich hal etish, ijtimoiy himoyaga muhtoj oilalarni qo‘llab-quvvatlash hamda mavjud kamchiliklarni bartaraf etish bo‘yicha aniq chora-tadbirlar rejasi ishlab chiqildi.