Xalq deputatlari Jondor tumani Kengashiga 16-Qaroli saylov okrugidan saylangan deputat H.Qarayeva hamda tuman Kengashi kotibiyati bosh mutaxassislari J.Norov va R.Murodovlar hamkorligida “Qaroli” mahallasida saylovchilar bilan uchrashuv o‘tkazildi.
✔️Uchrashuv davomida aholini qiynayotgan muammolar, ijtimoiy-iqtisodiy masalalar hamda fuqarolarning taklif va murojaatlari tinglandi. Shuningdek, mahallada faoliyat yuritayotgan xotin-qizlar faoli tomonidan xotin-qizlarni qo‘llab-quvvatlash, ularning bandligini ta’minlash, ijtimoiy himoyaga muhtoj oilalar bilan manzilli ishlash, tadbirkorlikka jalb etish va ma’naviy-ma’rifiy tadbirlarni tashkil etish borasida amalga oshirilayotgan ishlar o‘rganildi.
✔️O‘rganishlar jarayonida xotin-qizlar faoli tomonidan mahalladagi ehtiyojmand oilalar bilan tizimli ish olib borilayotgani, xotin-qizlarning muammolarini hal etish, ularni kasb-hunarga o‘qitish va doimiy daromad manbaiga ega bo‘lishlariga ko‘maklashish yuzasidan qator amaliy ishlar tashkil etilgani qayd etildi.
✔️Shu bilan birga, mavjud muammo va kamchiliklarni bartaraf etish, xotin-qizlar bilan ishlash samaradorligini yanada oshirish bo‘yicha tegishli tavsiya va takliflar berildi.
✔️Bunday o‘rganishlar mahallalarda xotin-qizlarni har tomonlama qo‘llab-quvvatlash, ularning ijtimoiy faolligini oshirish hamda aholi murojaatlarini o‘z vaqtida hal etishda muhim ahamiyat kasb etadi.