Xususan, ekilgan gullar va manzarali o‘simliklarni asrab-avaylash, ularning sog‘lom o‘sishi va rivojlanishini ta’minlash maqsadida muntazam sug‘orish hamda parvarishlash ishlari amalga oshirilmoqda.

Shuningdek, hududlarning estetik ko‘rinishini yanada yaxshilash, ozodaligini ta’minlash va yashil maydonlarni saqlash maqsadida butalarni shakllantirish, ortiqcha shox-shabbalarni kesish hamda obodonlashtirish ishlari olib borilmoqda.

Bunday sa’y-harakatlar shaharning ekologik muhitini yaxshilash, aholi uchun qulay va fayzli maskanlar yaratish hamda Samarqandning yanada obod va ko‘rkam bo‘lishiga xizmat qilmoqda.

Obod va yashil shahar — barchamizning umumiy maqsadimiz!