Xalq deputatlari tuman Kengashi deputati X.Shayimova 13-sonli umumta’lim maktabining bitiruvchi yoshlari bilan uchrashuv o‘tkazdi.

Uchrashuv davomida yoshlar bilan ularning kelajak rejalari, tanlagan kasblari, oliy ta’lim muassasalariga kirish maqsadlari hamda Vatan ravnaqi yo‘lida munosib hissa qo‘shish mas’uliyati haqida samimiy suhbat bo‘lib o‘tdi. Deputat yoshlarga zamonaviy bilim va kasb-hunarlarni puxta egallash, o‘z ustida muntazam ishlash hamda yurt taraqqiyotiga xizmat qiladigan yetuk mutaxassis bo‘lib yetishish borasida o‘z tavsiyalarini berdi.

Shuningdek, mamlakatimizda yoshlarga yaratilayotgan keng imkoniyatlar, ta’lim va kasb tanlashdagi mas’uliyat haqida fikr almashildi.

Uchrashuv yakunida deputat X.Shayimova mustaqil hayot sari dadil qadam qo‘yayotgan bitiruvchi yoshlarni samimiy qutlab, ularga kelgusi sinovlarda muvaffaqiyat tiladi hamda barchasining o‘zlari orzu qilgan oliy ta’lim muassasalariga o‘qishga kirishlarini tilab qoldi.