2026-yil 26-may kuni Xalq deputatlari Marg‘ilon shahar Kengashi deputati Sh.Madaminova tomonidan Marg‘ilon shahar hokimining qurilish, to‘siqlarsiz muhit yaratish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari M.Sotvoldievga deputat so‘rovi yuborildi.

O‘rganishlar davomida Uvaysiy mahalla fuqarolar yig‘ini hududida joylashgan O‘zbekiston va Toshkent ko‘chalarining asfalt qoplamasi yaroqsiz holga kelgani aniqlandi. Mazkur holat transport vositalari harakati hamda piyodalar uchun qator noqulayliklarni yuzaga keltirmoqda.

Deputat so‘rovida ushbu ko‘chalarning texnik holatini mutaxassislar ishtirokida qayta o‘rganish, ta’mirlash va asfalt qoplamasini yangilash bo‘yicha O‘zbekiston Respublikasi Vazirlar Mahkamasining 2024-yil 11-oktabrdagi “Shaharlar va boshqa aholi punktlari ko‘chalari hamda ichki xo‘jalik yo‘llari infratuzilmasini yanada takomillashtirish to‘g‘risida”gi 665-son qarori asosida aniq chora-tadbirlar rejasini ishlab chiqish hamda amalga oshiriladigan ishlar yuzasidan asoslantirilgan ma’lumot taqdim etish so‘ralgan.